Aktualizuar më:

Parti Socialiste, ky mallkim i politikes shqiptare

Shkruan:Vasil Tabaku

Pjella bastarde e PPSH-se se dikurshme, erdhi ne politiken shqiptare gjoja me fryme të re, me koncepte dhe ide te reja, e rinovuar dhe me njerez te tjere. Po ne te vertete, "ujku vetem qimen nderron po zakonin nuk e harron" thote populli. Për fat te keq PS, ishte nje PPSH e rindertuar me ca ndryshime gati gati të papërfillshme. Njerezit qe u vune ne krye te saj ishin bijte e isheve politike e partiak të dikurshem, me betimin se do te vazhdonin vijen e partise dhe do te ishin besnik deri ne vdekje të baballareve të tyre. Me pak fjale, Shqipërise nuk iu nda mallkimi i kuq komunist, por tashme i njollosur me nje ngjyre paksa me mashtruese ate roze.

Kontrabanda, krimi dhe korrupsioni, tipar dallues i PS

Fundshekulli, e gjeti Shqipërine të zhytur ne mjerim, varferi, krim dhe korrupsion të paimagjinueshem. Shifrat tronditese të krimit, flasin qarte se ku e çoi vendin politika e mbrapshte e PS. Po ashtu, ritmet e larta te kontrabandes qeveritare, ku pjesa dermuese e administrates shteterore eshte përfshire ne garen maraton, vidh e xhvat sa te mundesh sa jemi ne pushtet se neser nuk i dihet, shihet qarte tipari dallues i ketyre politikaneve sharlatan e makut. Eshte bere "normale" te degjosh për vjedhje, rrembime, vrasje, apo për premtime bosh e bajate të qeveritareve. PS, me strategjine e sa shkaterruese nga dita ne dite, nga ora ne ore po shpërben gjithçka qe mund të quhet vlere kombetare apo pasuri e shtetit. Por dihet, gjithmone haraçin me te madh ne
raste të tilla e paguan populli i mjere dhe i pambrojtur.Natyrisht, populli i ndodhur përballe nje realiteti të tille,
kerkon rrugen drejt nje zgjidhjeje me te mire politike dhe ekonomike, gje e cila nuk do te jete e larget. PS me bemat e saj te papara ndonjehere, e futi vendin drejt nje krize te forte politike dhe ekonomike. Te gjitha keto e kane nje shpjegim. PS erdhi ne pushtet e mbeshtetur nga bandat dhe kriminelet, pra nje kontigjent i zi i shoqerise, i cili gjithësecili e kishte vendin ne burg, por ne te vertete PS, për ti sherbyer pruresit e saj ne pushtet jo vetem qe i la te lire, por u dha dhe frone ne drejtimin dhe qeverisjen e vendit. E pra, ky kontigjent, nuk kishte se si të mos aplikonte metodat e tij me te preferuara, kontrabanden, vjedhjen dhe krimin. Hap pas hapi, përmasat e se keqes u zmadhuan gjer ne nje realitet te rendomte, ku pikerisht kjo kategori njerezish te zinj përbejne ligjin, rregullin dhe pushtetin. Atehere mendoni se çfare ligji vepron ne Shqipëri, çfare rregulli dhe çfare pushteti menaxhon ekonomine dhe jeten tone. Vjedhjet dhe përvetesimet e turpshme të ndihmave të të ardhurave nga Kosova, e njollosen njehere e përgjithmone PS dhe kualicionistët e vegjel, ndersa Meidani, ky i ashtuquajturi president i vendit, dekoron e shpërblen vetem prefektët për gjoja përkushtim ndaj përkushtimit të çështjes kombetare. Dihet, prefektët jane te zgjedhurit e PS, ndersa bashkite jane të zgjedhurit e PD, e për rrjedhoje del se presidenti i republikes, qenka jo për gjithë vendin por vetem për krahun e PS. Po, presidenti shqetesohet kot, prefektët e kuq socialiste, gjate gjithë kohes se menaxhimit të krizes kosovare moren pjesen e luanit. Ata diten si ti gllaberojne shumat e medha të ofruara nga komuniteti nderkombetar si dhe tonelatat e tera te ndihmave ne ushqime. Po te besh nje sondazh të thjeshte nepër tregjet e vendit i shikon ndihmat ne
ushqime dhe medikamente nepër tezgat e tregtimit. Kjo pafytyresi cinike e pushtetareve të majte e gjeti përgjigjen e vet tek komuniteti nderkombetar, i cili pa ngurrimin me te vogel i ktheu shpinën.

Politika vrasese: Përça e sundo

Duke trasheguar nga te paret e vet shpirteror E. Hoxha, R. Alia etj. pinjolli bastard i politikes se majte Nano, realizoi maksimen e zeze të Enver Hoxhes, përça e sundo. Te tre, rikthimet e Fatos Nanos ne pushtet ishin te përgjakshme dhe tejet të renda për popullin e shumevuajtur. Historia i ka të shkruara bemat famkeqe të Nanos dhe Nanoisteve, të cilët të verbuar nga ethet për pushtet, nuk kursyen asnje mjet e qellim për të rimare fronet e humbura. Dihen tashme përgjakjet tragjike të vitit 90-91 dhe vitit te zi 1997. Ardhja tragjike e Nanos 97 çeli rrugen e nje politike të mbrapshte, vrasese dhe gjithësesi antikombetare. Flirtet e Nanos me Beogradin dhe Athinën ishin tejet te rrezikshme dhe tradhetare për Shqiperine dhe kombin tone. Nano favorizoi elementin e inkriminuar të hipte ne pushtet dhe iu dha atyre forcen e karriges e të drejten për të grabitur shteterisht, pra nepërmjet postit qe posedonin. Kjo gje e çoi durimin e popullit gjer ne kufijte e mosdurimit. Ai shtiu me doren vrastare mbi opoziten e djathte dhe arriti kulmin me vrasjen e liderit legjendar te dhjetorit Azem Hajdari. Kjo shpuri pastaj ne lëvizjen masive të 14 shtatorit, lëvizje tejet e zemeruar dhe e irrituar, të cilën socialistët e quajten "grusht shteti" po ne te vertete harruan se ishte grusht i popullit të zemeruar kunder klikes tradhetare e vrasese te Nanos. Po mallkimi i majte nuk kishte fund. Pas ikjes se turpshme dhe tejet shkaterruese te Nanos, ngjitet nje tjeter pinjoll i politikes se majte ne pushtet, hartimexhiu tejet e lumtur e "rinor" Pandeli Majko. Nje emer gjithësesi, qe kishte rrahur veshin e politikes, por asnjehere me pretendimin për pushtet. Kryeministri aktual Majko, duke luajtur rolin e të pafajshmit dhe se gjoja vjen nga brezi i "dhjetoristeve" mendoi se do te bente çudira ne politiken dhe ekonomine rrenuar shqiptare. Ne fakt gaboi rende, duke marre mbi supe nje peshe qe nuk i takonte nivelit të tij. Qe ne ditët e para te qeverisjes se Majkos, u pane defektet e para. Ishin po ata buaj pleq te politikes se kuqe qe terhiqnin qerren e shkaterruar te socializmit ne Shqipëri. Gerrvima e qerres se shkaterruar te te majteve kuisnin rruges drejt "se ardhmes se ndritur" por tani me nje ndryshim të vogel, ne politiken e majte kishin nxjerre koke e lulezonin ca vese të reja si kontrabanda, krimi i organizuar shteteror dhe korrupsioni i përmasave të larta zyrtare. Ne statistikat e zeza të krimit, shenohen shifra rekord. Vrasjet dhe vjedhjet, jane bere refren i dites ne Shipëpri.

Dhe me te drejte populli pyet - Ku eshte shteti? - Po ligji, pse nuk vepron?
Natyrisht, qeveria komuniste i degjon renkimet e dhimbshme të popullit, por duke qene tepër e zene me mbushjen makute te xhepave te saj nuk gjen dot kohe të përgjigjet. Ne fund të fundit ligjet ne leter jane te shkruar, pra ekzistojne, populli le te pres gjersa të ngopen qeveritaret, pastaj shohim dhe bejme. Kjo eshte dhe arsyeja qe ish ambasadorja e SHBA ne Tirane zj. Mariza Lino bene brifing ne Uashington:"E vetmja menyre për të luftuar korrupsionin dhe për të penguar korruptimin e njerezve apo zyrtareve si dhe për të mos lejuar të tjeret të korruptojne, eshte denimi me burg i zyrtareve te larte". E pra, antikorrupsioni duhej të fillonte me ministrat. E pra ne nje vend ku mungon plotesisht ligjin, e drejta dhe moralia, ku nuk ekziston asnje premis për vendosjen e rendit dhe korrupsioni eshte ne shkallet e tij me hiperbolike, ne nje vend ku politiken e bene kontrabanda, a mund të shpresohet për nje shtet ligjor? Kurresesi jo, me keta qeveritare të PS dhe te kualicionisteve satalite asnjehere ne Shqipëri nuk do te kete paqe, drite dhe shprese. Eshte koha qe PS, si forca kryesore e drejtimit të shtetit dhe pjesemarresit ne kualicionin qeverises te japin doreheqjen e ti lene rruge të lire zgjedhjeve të reja politike ne vend. Eshte koha qe populli te kerkoj forcen politike alternative me te mire për të drejtuar vendin drejt nje te nesermeje me te sigurt, me ligjore dhe demokratike.