Me rastin e lirimit të Presidentit Rugova

Aktualizuar më: Kjo faqe është vizituar:

Çdo gjë në vend të vetë,
çdo kush në vend të vetë

Shkroi: Nexhat Abdiu

Nuk thotë së koti populli: ”bariu i mirë bagëtia tok”.Kjo më së miri shihet sot, me daljen e Presidentit të Kosovës, dr.Ibrahim Rugovës nga burgu shtëpiak në të cilin u gjetë 6 javë me tërë familjen e tij. Prezenca e tij jo vetëm që i gëzoi të gjithë shqiptarët kudo që ata janë, por edhe shtoi sigurinë		Ibrahim Rugova
në mesin e tyre dhe , ashtu si vetëm ai din dhe vetëm atij i ka hije, dëshmoi edhe njëherë se ai është President i Kosovës, i zgjedhur nga shumica dërmuese e popullit të Kosovës, i dashur dhe i rrespektuar jo vetëm nga bashkëkombasit e vetë por edhe në qarqet më të larta diplomatike botërore.U prit në Itali si ”burrë shteti”, kujdesen për te si për një ”mysafir të lartë të nderit”, të gjithë i presin me padurim takimet me te. E presin në Paris, e ftojnë në Njujork, është i mirëseardhur në Londër.Ky është Presidenti i Kosovës.Ky është dr.Ibrahim Rugova, Kryetar i LDK-së. Armiqët e tij mbetën edhe kësaj here gojëhapur dhe pësuan disfatë si në planin kombëtarë po ashtu edhe ndërkombëtar. Pësoi disfatë të plotë Millosheviqi, pësuan disfatë të plotë ”karrieristet dhe karrikaxhijtë”, pësuan disfatë forcat e errëta majtiste të cilat edhe e dëshiruan më së shumti burgosjen e tij. Sikur harruan se Kryetarët dhe burrështetasit i zgjedh populli, si në tërë botën demokratike (veç komunistave dhe (disa)socialistave), me votën e lirë e jo me dekrete e direktiva. Sot, sytë e tërë botës janë të drejtuar kah ai, më madhështorë se kurrë, me fjalorin e një diplomati të vërtetë, një njeriu të madhë, përgjigjet pyetjeve të gazetarëve të mbarë botës por edhe politikologëve, ekspertëve të ndryshëm me të cilët takohet. Ai pyetet, ai konsultohet, ai vizitohet edhe nga burrat e shteteve edhe nga përfaqësuest e organizatave joqeveritare, organizatave humanitare. Nuk ka ndryshuar fare.Po të njejtin shall e mbanë ende.I buzëqeshur, i freskët, i ngrohtë. Njeri që din t’i përballojë edhe situatat më të vështira dhe të rrezikshme. Flet pak, por kjart dhe bindshëm.Kurrë nuk flet për të tjerët, kurrë nuk akuzon të tjerët. Sukseset i ndanë me të gjithë. Nuk flet për dështime por gjëthnjë e mbanë shpresa për një të ardhme më të mirë, për një Kosovë të lirë, të pavarur ...... Këtë ai e thotë sot para tërë botës, ashtu siç e thoshte edhe dje e edhe më parë.Nuk hoqi dorë fare nga ky qëllim i fundit edhe pse lenë vend dialogut, bisedimeve....Në fund të fundit , sotë NATO-ja dhe bashkësia ndërkombëtare veprojnë ashtu si edhe patë dëshiruar ai. Ky është Kryetari i LDK-së, Presidenti i Republikës së Kosovës, dr. Ibrahim Rugova