Hysen Uka - Prapavija e veprimit misterioz

Para disa dite, nëpër dy faqe prezentuese të internetit qarkulloi një shkrim që flet për gazetat shqiptare në Evropë. Me siguri ky shkrim është bartur dhe botuar edhe në njëren nga dy gazetat të cilat e kanë sajuar dhe destinuar këtë pamflet për qëllimin e vet. Nuk ia vlen të merresh me një paçavure të tillë po sikur mos të shfaqeshin tendencat e një prapavije tepër të rrezikshme me ato format e nëntokës. Ky shkrim përveç titullit dhe përkthyesve në mbrendësi nuk ndryshon për asnjë fjalë. Përjashtohen disa ndërhyrje në gabimet teknike duke shënuar rastin unikat në historikun e përkthyesve, ku autor të ndryshëm përkthejnë pikë për pikë dhe presje për presje pa asnjë fjalë të vetme ndryshe nga njëri tjetri. Gëzim Mekuli, njëri nga përkthyesit anonim, ka emër dhe mbiemër shqiptar. Dihet se Mekulët edhe ashtu në tërë hapsirën shqiptare janë pak, këtu në Evropë nuk ka njeri që bart këtë mbiemër. Përdorimi i mbiemrit Mekuli me qëllime kaq poshtruese është një fyerje që në start. Anonimi dëshmon katërcopërisht se është një njeri i rryer në fushat e nëntokës. Përkthyesi tjetër Samir Jonuzi ka një emër turko-mysliman mjaftë i popullarizuar tek ky komunitet por ndër shqiptarë haset rrallë. Pra Gëzim Mekuli dhe Samir Jonuzi janë emra anonim dhe nuk e kanë përkthyer shkrimin e njëfar autori-je Claude Metraux dhe as që është botuar në <Jurnal de Paris> gazetë e cila nuk egziston. Pra autori është shqiptarë dhe i njohur për veprime të nëntokës që pasqyron veprimet "nonsens" të një shqipfolësi i cili nuk ka gjë të përbashkët me karakterin njerëzor dhe me etikën gazetareske. Faqja prezentuese në internet me shenjën: http://www.kosovainfo.com/ është rubrikë e një personi që nuk dallon konceptet politike dhe nuk posedon logjikë redaktuese. Kjo vlen sidomos për faqen prezentuese të LDK-së në Zvicër që ka shenjën: http://www.ldk.tip.nu/, drejtuesit e kësaj dritarje që e kanë distribuar këtë shkrim sigurisht nuk kanë qen të vetëdijshëm se pikërisht <Rilindja> dhe <Bota sot> kanë bërë shumë për ta nxjerrur nga kriza këtë degë gjat thyerjeve politike të vitit të shkuar, duke pasqyruar me korrektësi edhe realitetet e zhvillimeve politike në shkallë kombëtare.

Ndonëse shkrimi është misterioz ai në vete ngërthen dy çështje kryesore. E para lufta mafioze me metodat e nëntokës ka filluar për t'i eliminuar rivalët konkurues dhe e dyta për t'i njollosur shqiptarët me epitetin e një "simpatie të brendshme për mafinë", epitet ky i gatuar që prej kohësh nga kuzhinat udbeske të Beogradit dhe tash shkrueht dhe lansohet nga vetë shqiptarët. Përveç këtyre dy qëllimeve kryesore shkrimi ka edhe një tendencë tjetër mjaftë të rrezikshme: Shqiptarët në këto kriza t'i orientoj në konceptin komunist dhe në rast të autonomive të mundshme nënë patronazhin edhe të rusve t'i përgatisë që të shfaqin urrejtje kundër evroamerikanëve.

Pavarsisht nga këto pikpamje të paraqitura më lart teksti meriton të analizohet pikë për pikë për të qitur në pahë anomali të quditshme dhe mjaftë të rrezikshme të një garniture komunistësh që kanë tendencë për të shpërbërë atë pakëz eter që ka filluar të sajohet mbi këtë mjegullnaj konfrontimesh etiko-politike. Labartori i tekstit ka firmën autentike "GMBH bubka-morina" i-e njohur për veprime të turpshme dhe sajime poshtruese ndaj të gjithë atyre që i ka fërkuar koha me te si dhe selinë në mos në planet në tokën serbe posepo.

Sado që ka përpjekje për ta poshtruar gazetën <Rilindja>, mllefi shprazet mbi gazetën <Bota sot>. Pavarsisht nga tendenca e artikullshkruesit, gazeta <Rilindja> edhe më tutje mbetet gazeta me traditë më të qëndrueshme dhe sot për sot me konceptin politik më të qartë dhe më të pastër në planin kombëtar. S'ka dyshim <Rilindja> dalngadal do ta zë primatin qëndror edhe në distribuim dhe në lexim ngase është gazeta me polarizme më të pakta dhe që ka pasqyruar politikën më të drejt të këtyre thyerjeve dhe trënditjeve të mëdha. Por është mëkatare tendenca për ta njollosur se ka mbrojtur kultin e Ibrahim Rugovës sikurse dikur kultin e Titos, në esencë as tash dhe as më herët <Rilindja> nuk ka mbrojtur kulte të tilla por ka udhëhequr politikë më kombëtare se sa ish drejtori gjeneral i RTP-së, kumbara i Bubka Morinës që mbronte kultin e Shërbimit Sekret Informativ serb (KOS-i), duke e mbuluar me re blu fushën e informimit dhe propagandës shqipe në Kosovë. Kjo dorë e zgjatur e politikës së LKJ-së në Kosovë, atëherë e ka pasur ndikimin e drejtpërdrejt në redaksinë e gazetës <Rilindja> duke ia imputuar Beqir Hotin e më herët edhe të tjerë si dorë të zgjatura të Shërbimit Sekret Informativ serb në Kosovë me atë shenjën e theksuar më lartë si vendim i Komitetit Krahinor të LKJ.

Tek gazeta <Koha ditore> harrohet të shpjegohet se Veton Surroi ka qen bir i një komunisti të dëshmuar dhe ambasador i besueshëm, bile rasti tragjik e gjen në krye të detyrës. Politikani më "properendimor" Veton Surroi me përgatitje shkollore(?!), dihet se deri më tash ka mbaruar vetëm shkollim kolegjesh. Tash ky properendimor(?!), sponzorizohet nga fondacionet e Lindjes të cilat kanë qëllimin e orientimit të politikave komuniste drejt konfuzionit dhe kaosit kombëtar. Kjo është dëshmuar më së miri me <revolucionin e vonuar të Rexhep Qosjes" në vitin 1997 në Shqipëri ku padyshim meritën më të madhe e ka pasur "Fondacioni i njejt" dhe gazeta "Koha jonë". Fondacioni në fjalë është sponzorizuesi më i njohur në ish vendet komuniste të Lindjes dhe të gjitha gazetat e sponzorizuara prej tij mbajnë emrat koha, siç janë <KOHA ditor> në Kosovë, <KOHA jonë> në Shqipëri, "VREME" në Beograd e Shkup dhe kudo nëpër të gjitha vendet e Lindjes.

Se çfarë vije politike përfaqson gazeta <Koha ditore>, mundet secili ta kupton tash pas tragjedisë së fundit që pësoi Kosova, dhe pas kosit të vërtetë kur ka filluar të botohet. Në impresiumin e saj nuk janë ndryshuar as telefonat, as telefaksat, as adresa elektronike, as adresa e selisë, as xhirollogaria dhe as shtypshkronja për të cilën është përfolur se na çenka djegur. Pra sipas impresiumit gazeta <Koha ditore> edhe sot e kësaj dite botohet dhe shtypet në Prishtinë? Dilema e këtij orientimi "propërendimor?!" që përfaqsoka Veton Surroi "në kryeqytetin e krahinës së Kosovës në Prishtinë", (në bindjen e autorit Kosova është ngulitur me konceptin e krahinës autonome?!), nuk ka ndodhur asgjë përveç "zhdukjes?!" së themeluesit, kurse vetura me shenjën "M-ilicija", dhe telfoni zyrtar '92 e paskanë quar vetëm në rekreacion (lexo shërbim zyrtar) deri në Tetovë Baton Haxhiun i cili sipas autorit anonim tash do ta dështoj projektin e Surroit, me shpresë se do të triumfoj "ZD" i ish-drejtorit të RTP-së, kumbara i Bubka Morinës që është sajuesi në mos shkruesi i këtij pamfleti.

Politika drejtuese e gazetës <Koha ditore> mbetet po ajo e integralizmit jugosllav e binjakëzuar poashtu eshe sot e kësaj dite me agjencinë beogradase të lajmeve <Beta> të cilat nuk do t'i botojnë "Reagimet, që mund të nxisin përhapjen e padurueshmërisë nacionale, fetare dhe të tjera" në hapsirën e Kosovës. Si duket janë duke bërë përpjekje për ta kultivuar e rikthyer frymën e bashkim-vëllazrimit dhe bashkjetesës me serbët sipas stilit "properëndimor" të artikullshkruesit. (Shiqo faqen prezentuese në internet tek gazeta "Koha ditore" me shenjën <Kosovo online> e muajit qërshor '99).

Në raportet që ka pasur dhe mllefet e tashme me gazetën <Bota sot>, autori anonim zbulon lidhje të dyshimta në mes pronarëve dhe artikullshkruesit i cili më mirë se të tjerët i ka njohur vet dhe jua ka ditur lidhjet familjare sikurse fjalët e atij "poetit të njohur" nga Kosova se paska thënë: "shqiptarët janë të çuditshëm, ata kanë njëfarë simpatie të brendshme për mafinë" janë trillime të vet autorit i cili kërkimet e tija i zgjat deri në Ministrinë Shqiptare të Rendit e cila i paska dhënë informacione të sakta kah lëvizin korrospodentet e kësaj gazete. Një shërbim i CIA-s amerikane para pak dite ka përmendur një shifër marramendëse të shërbimeve sekrete serbe në Shqipëri, kjo të vë me dyshuar se ish-drejtori i RTP-së kumbara i sotëm i Bubka Morinës na është edhe sot në këtë vijë si një dorë e zgjatur e Sërbisë. Përveç problemit të ndarjes së gjahut që ka me këtë redaksi anonimi merrë guximin për të folur edhe për përgatitjen aspak profesionale të gazetës <Bota sot> dhe ka harruar se vet kurrë nuk ka kryer shkollim superior (fakultet). Në të vërtetë me urdhrin e Sekretariatit të Punëve të Brendshme në Prishtinë, atëherë iu ka lëshuar diploma e fakultetin sepse pa diplomë fakulteti as ky organ nuk kishte mundësi me e vendosur drejtor gjeneral të RTP-së. Pavarsisht nga këto që theksuam më lartë qëllimi kryesor i këtij shkrimi është degradimi i vijës politike të Ibrahim Rugovës, prandaj nënkuptohet pse me të njejtin mllef akuzon edhe gazetën <Bota sot> se po mbron sikurse <Rilindja> kultin për Pavarsinë e Kosovës.

Sipas këtij autori e vetmja gazetë shqiptare meritore në Evropë qenka "Zëri ditor" e cila botohet nga firma "De Rada GmbH, me pronar ish-drejtorin gjeneral të RTP-së, shkrimtarin dhe poetin kosovar Agim Mala. E njejta firmë, sipas bisedës telefonike që ka bërë me kryeredaktorin e botimeve në këtë firmë Xhamall Ahmetin, boton edhe magazinën politike "euroZëri" dhe gazetën e të së dielës "Java shqiptare". Është e pamoralshme me keqpërdorur figurat kombëtare si De Rada, Skënderbeu si dhe nocionet "shqiptare" e "euro" për përftime mafioze siç ka vepruar ish-drejtori i RTP-së, një shkollar mesatar i ngjitur deri në hierarkinë e shefit që ka statusin e azilantit dhe po me status azilanti dhe trevjeçarën e tekstilit në Tetovë e ka edhe kryeredaktorin që ia paska dhënë informatat sajuesit të shkrimit, ku temenan po jua bëkan "emrat" që e pasurojnë impresiumin e "Zërit Ditor". Agim Mala, kurrë s'ka qen shkrimtar e as poet, atij ia kanë shkruar librat sikurse Sinan Hasanit. Në një bised telefonike me njërin nga redaktorët e librave të tij dhe njohës i mirë i Agim Malës, na tha shkurt: "Nuk kam pasur qare pa e bërë atë që e kam bërë mbi librat e tij. Dhe nese ka shqiptarizëm nëpër ato poezi ai shqiptarizëm është i imi dhe jo i autorit. Hajt bre bacë po a i dini lidhjet e tija me Rrahman Morinen dhe KOS-in dhe mos të kisha vepruar ashtu do të kisha përfunduar edhe unë në burg. Lere këtë muhabet më sygjeroi ai. Po sa poezi i ka shkruar në këtë dekadën e fundit Agim Mala".

Sipas shkrimit në fjalë, të gjitha gazetat po u ndihmokan nga fondacine të tjera ndërsa gazetat e Agim Malës, (të cilat nuk shiten fare), po u mëvarkan nga kapitali i vjedhur sa ishte drejtor i RTP-së, buxhet ky që i ka sjellur komoditetin më të priviligjuar të azilantit shqiptarë në Evropë. Pastaj stafi i gazetës përbëhet nga Shkëlezen Maliqi, djali i ish-Shefit të UDB-së në Kosovë Mehmet Maliqi. Shkrimtari me truqe Mehmet Kraja, një kohë të gjatë ka qëndruar gazetarë në "Rilindja", viteve të fundit shkruante me emër anonim tek gazetat e Malës, kurse vajza tek Surroi, ishte "themelues?" i LDK-së, i QIK-ut, gazetës <Demokracia> në Zvicër, javorës politike të LDK-së <ORA> në Prishtinë dhe ka pohuar në librin e tij "VITE TË HUMBURA", se "gjat kohës së sherbimit ushtarak ka kryer detyrën e gazetarit të ushtrisë" dhe që nga atëherë shqiptarët po dyshokan se është në shërbim të KOS-it. Për këto arsye tërhiqet nga skena politike e LDK-së dhe vendoset në Tiranë në një kohë plot plojë e mjegullnajë dhe po të kihen parasysh e dhëna e CIA-s amerikane që kemi theksuara më lart dyshimet janë të arsyeshme. Nëse këtij dyshimi ia shtojmë veprimin hibridizues dhe aleancën që ka me klanin integralist të dëshmuar për (pa)pastërtin e tyre në këtë plan gjërat ngatrrohën tërsisht. (Shih librin e cituar, faqe 175, rrjeshti i 2-3 nga fundi).

Pavarsisht nga tendenca e autorit për ta bërë Kohën dhe Zërin Ditor si gazeta më me rëndësi. Lexuesi shqiptar me kryeneqsi dhe papërmirësueshmërinë që ka, si duket nuk po ju beson më atyre që kanë dëshmuar mercenarizëm dhe integralizëm jugosllav. Prandaj sa më parë që të heqin dorë nga veprimet me maska e të nëntokës do të jet më mirë.

Nëse i analizojmë me vëmendje qëllimet e këtij shkrimi dhe prapavijën e nëntokës, aleanca e Agjencisë <Kosovapress> me klanin komunist që përfaqsohet nga "ditoret" Koha e Zëri jep me kuptue se veprimet e tyre janë për t'a rikthyer logjikën komuniste në hapsirën kosovare. Me gjithatë mos afirmimi i Kohës dhe Zërit Ditor dëshmon se misioni i fondacioneve të dyshimta do të dështon turpshëm para opinionit shqiptarë dhe të jep kurajo se shqiptarët janë në rrugë të mbarë për ta gjetur vetën dhe për t'u orientuar përfundimisht nga Përendimi!

Prof. Hysen Uka

Gjermani