Qendra

Aktualizuar më: Kjo faqe është vizituar:

E pronësuan UÇK për ta denigruar

Nga Edi PALOKA

Disa vite më parë, kur trupat e para të armatosura të Kosovës përgatiteshin në territorin shqiptar, shërbëtorët e Millosheviçit, nëpërmjet gazetave të tyre, vunë alarmin duke akuzuar qeverinë demokratike se përgatiste terroristë. Sigurisht që ata shqipfolës që kërkuan "të denonconin përgatitjen e terroristëve kosovarë" kishin dy qëllime; të sulmonin qeverinë demokratike dhe njëkohësisht t’i bënin shërbimin e kërkuar Millosheviçit.

Edhe më pas, kur UÇK u bë një realitet në Kosovë, po këto qarqe vazhduan ta quajnë atë si një grupim terrorist. Janë dokumenta të regjistruara nga konferencat e shtypit të pushtetarëve aktualë dhe gazetat e tyre ku UÇK quhet "grupim terrorist". Në atë kohë ka pasur dhe një debat në Parlament për këtë çështje, e arriti puna që UÇK të akuzohej edhe se përgatiste akte terroriste ndaj pushtetarëve të Tiranës. Që në atë kohë opozita i sulmoi ashpër këto deklarata dhe qëndrime të pushtetarëve dhe ishin pikërisht mitingjet e opozitës, ku për herë të parë u brohorit edhe për UÇK.

Por ja që papritur pikërisht ato qarqe që dje e quanin UÇK si "grupim terrorist" e kishin akuzuar demokratët se përgatisnin këto "grupe terroriste", sot kanë dalë si mbrojtësit më të mëdhenj të UÇK. Ata bile dhe akuzojnë opozitën se qënka kundër UÇK. Sigurisht që do të mjaftonin edhe këto fakte për të kuptuar të vërtetën, por le të shohim se çfarë po ndodh aktualisht edhe sot. HJashari.JPG (6420 Byte)

Përmendëm që sot këto qarqe kanë dalë si mbrojtësit më të mëdhenj të UÇK dhe akuzojnë opozitën se qënka kundër saj. E vërteta është që klanet prosllave në qarqet e pushtetarëve nuk ka se si të jenë me UÇK, përkundrazi. Ata po ndjekin një rrugë që i shërben vetëm denigrimit të UÇK, ashtu siç vepruan dhe në fillimet e saj. Duke pompuar disa nga drejtuesit e UÇK dhe duke sulmuar të tjerët, pushtetarët e Tiranës kërkuan të pronësonin UÇK.

Kështu po të kujtojmë të gjithëve na vjen ndërmend që Adem Jashari nuk është përmendur kurrë nga qarqet e pushtetarëve shqiptarë, deri sa u vra dhe u shpall nga vetë kosovarët si Komandanti legjendar i UÇK. Po ashtu të gjithë kujtojmë që fillimisht me Hollbrukun janë takuar si përfaqësues të UÇK të tjerë persona dhe asnjë nga ata që njihen sot.

Loja filloi me Rambujenë, ku u dërguan si përfaqësues të UÇK jo të gjithë përfaqësuesit e atyre që luftonin, por vetëm një pjesë e tyre që morën bekimin nga marksistët e Zvicrës dhe pushtetarët e Tiranës. Pikërisht në Rambuje u dëgjua për herë të parë Thaçi, që papritur u vetëshpall si kryetar i delegacionit shqiptar. Televizioni shtetëror shqiptar e pompoi sa mundi Thaçin i cili ishte praktikisht një i panjohur jo vetëm për botën, por edhe për shqiptarët në Kosovë dhe Shqipëri.

Pas kësaj ndodhën ato që ndodhën; përplasjet e Thaçit me përfaqësuesit e SHBA në Rambuje dhe vonesa e nënshkrimit të marrëveshjes e urdhëruar nga Tirana. Në dy javët e vonesës përfaqësues të tjerë amerikanë ndër të cilët edhe vetë Bob Doll kërkuan të takojnë Thaçin, për ta bindur që të nënshkruante, por Thaçi fshihej në vilat e pushtetarëve të Tiranës.

Më pas nga ato vila Thaçi, ashtu siç u shpall kryetar delegacioni, do të shpallej edhe kryeministër. Që në atë moment UÇK filloi të përdorej si vegël e pushtetarëve të Tiranës, të cilët vetëm për të mirën e Kosovës nuk punojnë. Thaçi dhe të tjerët u nxitën dhe u vërsulën kundër faktorëve të tjerë politikë e ushtarakë në Kosovë me të vetmin qëllim që të përçanin këta faktorë, por njëkohësisht edhe të denigronin UÇK. Faktet tanimë janë të shumta. E keqja është që Thaçi, ose nuk po kupton, ose e ka pranuar këtë lojë dhe pasojat po i provon. Mjafton të përmendim anullimin e takimeve në NATO dhe injorimin e vizitës së tij nga zëdhënësi i NATO-s.