Aktualizuar më:

Alarm në PS. Nano tradhëton sërish
Nano rreshtohet me antiamerikanët në Athinë
Fahri Balliu Kryetari i Partisë Socialiste Fatos Nano, ideator i Kretës dhe aleati ideologjik dhe politik i Millosheviqit ka shfrytëzuar sërish Greqinë për të shpallur tezat e tij tepër të rrezikshme për fatin e Shqipërisë dhe të shqiptarëve.Ky njeri vazhdues besnik i politikës dhe aleancave të vjetra të saj të frymës enveristo-komuniste në takimin me presidentin e Malit të Zi, Milo Gjukanoviç në Selanik ka kërkuar dhe shprehur lidhur me situatën në ish-Jugosllavi dhe Kosovë, se "nëse Podgorica, Tirana, Shkupi, Athina etj. flasin me të njëjtën gjuhë dhe aplikojënë standarte bashkëpunimi europiane, atëherë edhe Beogradi do të dorëzohet". I mësuar që të maskohet pas frazave dhe formulimeve dykuptimëëshe me fjalë të përgjithshme për liri e të drejta të njeriut, praktikisht lideri i stërzgjedhur ka përjashtuar rolin e NATO-s dhe paktit te Atlantikut. Të gjithë këtë frymë të shprehur me tezën që Ballkanin do ta rregullojnë Ballkanasit, Fatos Nano e ka nga frymëzimet e vjetra të Traktatit të Varshavës. Por deklaratat e tij, duke e presupozuar veten ekzekutiv të Shqipërisë, në rradhë të parë kanë të bëjnë me frymën antiamerikane tashme të deklaruar të tij. Këto ditë në Greqi fryma antiamerikane ka njohur kuota të reja dhe tashme është shumë lexuar për opinionin ndërkombëtar fakti se qeveria greke në thelb ka zgjedhur origjinën e manastirëve të saj dhe jo drejtimin europian.Nga ana tjetër, roli që do t'i japë vetes Athina në Ballkan gjen tek Nano një shërbëtor, i cili ka detyrimin të deklarojë se Beogradin na e nënshtroka ky me Papandreun e Greqisë, apo ndonjë spurdhjak tjetër që nuk bën as për reshter në ushtrinë amerikane. Partia Socialiste që e ka humbur totalisht koshiencën kombëtare dhe nuk ka as më të voglin reagim ndaj inkriminimit që po i bën kryetari i saj ka rastin të shohë se Nano nuk sjell vetëm vjedhje, djegie, shkaterrim, por dhe shitje totale kombëtare.