Aktualizuar më:

RISHFAQEN SIMBOLET KOMUNISTE NE FLAMURIN KOMBETAR
Beqir Sina

Që prej disa vitesh, pas rrëzimit të sistemit diktatorial, Parlamenti shqiptar vendosi rikthimin e flamurit kombëtar ashtu siç njihej që prej kohës së Skënderbeut. Pra flamurit të kuq me shkaben dy krenore iu hoq simboli I yllit, që përfaqësonte botën komuniste dhe izolimin total të Shqipërise nga bota perendimore. Mirëpo, çuditërisht, përfaqësuesit e shtetit të sotëm, këtë element simbolik ose e kanë "harruar" ose iu pëlqen ta "harrojnë". Kështu në disa institucione të medias botërore, si televizioni GALAVIZION rrjeti I CNN për Amerikën Qëndrore dhe të Jugut, iu është ofruar flamuri me simbolin e yllit. Po ashtu, disa shkolla dhe institucione ndërkombëtare në Nju Jork dhe në disa qëndra të rëndësishme amerikane, përdorin krahas flamureve të të gjithë botës, edhe atë shqiptar, por çuditërisht pikërisht atë flamur që ka përfaqësuar për 50 vite komunizmin. Kohë më parë, në Rocfeler Center, ishte ekspozuar po i njejti flamur, por me ndërhyrjen energjike të komunitetit shqiptar në amerikë, këtij flamuri iu hoq simboli komunist. Nuk dihet me siguri se kush i ofron këtyre qëndrave flamurin shqiptar me simbolin komunist, por sidoqoftë është detyrë e pushtetarëve të sotëm të respektojnë simbolin e shtetit, ose të rikthejnë në Partlament ligjin dhe të rivendosin në flamur yllin famëkeq. Akoma më e papranueshme bëhet kjo situatë, kur po afrohet 28 nëntori dita e pavarësise dhe e çlirimit të vëndit dhe kur këto pervjetore do të festohen për herë të parë edhe në Kosovën e lirë. Këto incidente me flamurin kombëtar kanë ngjallur irritimin dhe indinjatën e komunitetit shqiptar në Amerikë, i cili mbeti larg atdheut dhe familjes, i detyruar pikërisht nga ylli komunist, që shëmtoi flamurin kombëtar shqiptar për 55 vite.