Aktualizuar më:

Le të jetë Faqja e LDK-së "ODA" e sajë...
Letër Kryetarit , Kryesisë dhe Komisionit për Informim të LDK-së,

I nderuari Kryetar,
E nderuara Kryesi,
Të nderuar kolegë,

Tani 6 muaj në është hapur në internet edhe faqja e LDK-së. Edhe pse e punuar dhe e redaktuar nga vetëm një person,(Nexhat Abdiu).Ajo është e formuluar dhe e punuar në frymën e LDK-së, e bazuar në aktet e LDK-së dhe paraqet në mënyrë të denjë aktivitetin e LDK-së si në Zvicër ashtu edhe në mbarë botën dhe pasqyron tërë ate që ka të bëjë me LDK-në dhe rrethë sajë. Tani 6 muaj kjo faqe u vizitua mbi 3500 herë dhe nga të gjitha anët e botës na arritën fjalë miradije dhe mbështetjeje natyrishtë me urime dhe dëshira që kjo faqe të vazhdojë të kryej detyrën e një treguesi të punës së LDK-së.( Po e ceku vetëm ate të dr Alush Gashit dhe të Hafiz Gagicës si dhe të shumë nëndegëve nga mbarë bota).Kështu, këtu mund të gjeni aktivitetin e LDK-së duke filluar nga instancat më të larta e gjerë tek nëndegët dhe aktivet.Edhe ato të arhivuara, të ruajtura në mënyrë që të jenë në dispozicion kur të kemi nevojë për to.
Në këtë faqe, mes tjerash do të gjeni edhe komente nga ma të ndryshmit, Inervista të figurave të ndryshme kombëtare si dhe krijime të ndryshme, qoftë të anëtarëve të LDK-së qoftë nga autorë të tjerë nga teritoret shqiptare dhe nga bota.
Është e menduar që kjo të jetë "ODA" e LDK-së, vendi ku diskutohet e debatohet, vendi ku tregohen të mirat por dhe të metat e sajë, vendi ku flitet për LDK-në nga kënde të ndryshme, nga miqtë dhe armiqtë e sajë. Ishte e menduar që kjo të jetë një përmbledhje e të mirave (në rend të parë) dhe e të kqijave.Vendi ku do të paraqiteshin të dalluarit dhe ata që nuk punojnë,.......
Përse?
Mënyra me moderne e komunikimit sot padyshim se është interneti. Shpejt, autentik dhe qartë! Pa mundësi të ndryshimeve dhe cenzurave të ndryshme. Kontakte të drejtëpërsëdrejta mes strukturave të LDK-së, mes individëve, udhëheqësve, .... Kështu vepron sot e tërë bota bashkohore, kështu veprojnë sot në tërë botën bashkohore,.Kështu veprojnë sot të gjitha format e organizuara qofshin ato poitike apo...

I nderuari Kryetar,
E nderuara Kryesi,
Të nderuar kolegë,

Përveç disa shkrimeve në fillim nga disa anëtarë (kryetarë komisionesh të nëndegëve) dhe nga Zyra e LDK-së në Solothurn, nga disa nëndegë (Olten, Solothurn, Turgau, St. Galen në fillim, Buchs, etj.etj.) nuk kemi pasur kurrëfarë shkrimi rrethë aktivitetit të strukturave organizative të LDK-së apo individëve, edhe përkundër faktit se njoftimi për egzistimin e faqes sonë është botuar në mjetet e informimit publik (Rilindje, Bota Sot, etj.). Mund të them se të gjitha ato që na janë dërguar, janë botuar, janë paraqitur në faqen tonë.
Por,...
Kohë të fundit, nëpër faqe tjera të ndryshme ( që s'kanë lidhje me LDK-në) shihen shkrime për aktivitetin e Degëve apo nëndegëve të LDK-së, shkrime të cilat (qëllimisht apo...) nuk arrijnë edhe në faqen tonë, nuk i dërgohen edhe faqes sonë.
Prandaj ju kisha lutur, edhe njëherë që , në kuadër të kryesisë suaj të informoni të gjitha kryesitë e nëndegëve për egzistimin e kësaj faqeje dhe për mundësinë e paraqitjes së aktivitetit, dekleratave, komenteve, intervistave të ndryshme të LDK-së dhe të antarëve të sajë në te. Poashtu edhe reagimet e ndryshme në shkrime dhe në komente të botuar në faqen tonë. Sipas dëshirës ( dhe nevojës ) ne mund të bëjmë zgjërimin e temave apo edhe ndryshimin e atyre që tani më egzistojnë. Sidomos, Komisioni për Informim në kuadër të LDK-së duhet të jetë më kooperativ me ne në paraqitjen e aktivitetit të vetë LDK-së.

I nderuari Kryetar,
E nderuara Kryesi,
Të nderuar kolegë,

Kjo faqe është inicuar me dëshirën personale që të kontribojmë në popullarizimin e LDK-së, në informimin e drejtë dhe në krijimtarinë politike të sajë. Është themeluar në kohën kur në Kosovë ( e sidomos në Shqipëri) bëhej një luftë e paskrupullt ndaj çdo gjëje që kishte të bënte me LDK-në dhe Presidentin Rugova. Ka gjetur burime të informimit dhe i ka përmbledhur dhe botuar në faqe informatat të cilat kanë qenë kryekput në interes të LDK-së dhe individëve të dalluar në te. Atëherë kur QIK-u mbylli përkohësishtë faqen e tij, (pas shkatërrimit dhe djegjes së zyreve të Presidencës), faqja jonë, së bashku me KosovaInfon dhe pak të tjera, kreu me nderë detyrën në informimin e drejtë dhe institucional të opinionit kombëtar. Atëherë kur gati në të gjitha mjetet e informimit kombtarë gjenin vend akuzat e shumta kundër LDK-së dhe posaçërishtë kundër Presidentit Rugova, faqja jonë informonte gjërësishtë për gjendjen e përgjithshme dhe për aktivitetet e ndryshme të LDK-së, Kryetarit, antarëve të Kryesisë dhe në përgjithësi LDK-së.
Prandaj , nga Ju nuk kërkojmë lëmoshë, as....

Kërkojmë vetëm që të shfrytëzoni Faqen e LDK-së për të pasqyruar Aktivitetin e sajë! Të shfrytëzoni Faqen e LDK-së që të paraqesni të gjitha ato që kanë të bëjnë me LDK-në dhe rrethë sajë. Që kjo faqe të jetë në njëfarë dore " Organ i LDK-së". Të tilla si "Zëri i Kosovës" për partinë e tij, Zeri i Popullit ...., Rilindja Demokratike për....e kështu me radhë.
Kërkojmë që të na bashkangjiten edhe antarë të tjerë në mënyrë që të pasurojmë faqen ( apo edhe t'a ndryshojmë) si pamjen ashtu edhe përmbajtjen në mënyrë që edhe LDK-ja të ketë "vendtakimin" e vetë. Kjo për të pasuruar faqen dhe për t'a bërë edhe më atraktive.


I nderuari Kryetar,
E nderuara Kryesi,
Të nderuar kolegë,

Shpresoj se ky shkrimi im do të gjejë vend në një pikë diskutimi në njërën nga mbledhjet e juaja. Unë nga ana ime do të ju kisha sugjëruar që të diskutohet për pajisjen e të gjitha nëndegëve me nga një kompjuter dhe me qasjen në internet (i cili sot është gratis).Kjo do të lehtësonte në masë të madhe, mund të them tërësishtë, punën dhe kontaktet mes strukturave të LDK-së. E po qe se arrihet një gjë e tillë edhe në Kosovë, kjo do të ishte ajo që sot ka nevoja LDK-ja, Kosova, populli i sajë.
Me nderime:
Nexhat Abdiu